محكمه طيبه

1- اي الدول تتمنى ان تزورينها ؟

تركيا

2- هل تؤيدين الزواج العاطفي ام الزواج التقليدي ؟ ولماذا ؟

الزواج العاطفى لان اكيد لو الاتنين بيحبوا بعض واتجوزا هيعيشوا حياتهم مافيهاش مشاكل وبسيطة جدا
اما الزواج التقليدى ممكن اوى الاتنين مايفهموش بعض بعد الزواج وممكن مايحبوش بعض وهتحصل مشاكل مابينهم كتير
هو دة من رأى

3-ايهما اهم شهادتك الجامعيه أم الزواج ممن تحب ؟

الزواج من من احب وبعد كدة الشهادة بس حبيبى فى الاساس الاول

4- هل من الممكن ان تتحول الصداقه الى حب ؟

طبعا وكتير اوى بتحصل الحكاية دى

-5 عاده تفعليها دائما تتمنى ان تتركيها ؟

بصحى بالليل وبنام الصبح بنى ادمة ليلية ههههههههههههههه ومش قادرة ابطل الحكاية دى وياسلام بقى لو ورايا حاجة الصبح ومانمتش بيبقى خلاص هيغم علية من قلة النوم

6-ماهو اجمل اسم لولد واجمل اسم لبنت من وجهة نظرك؟

اجمل اسم لولد هو شادى واجمل اسم لبنت هى ريتاج

7- ماذا تفعلين اول شيء اذا ربحتى مليون جنية؟

هجيب عربية وبالباقى الصراحة مش عارفة

1..ايه اكتر موقف محرج حصلك فى الحياة؟؟؟؟؟

من وانا صغيرة كان نفسى اسوق عربية اوى ولما كبرت ابن خالى جالنا مرة البيت واتفقت مع اختى ان احنا نقولة نخرج بس بشرط انا اسوق العربية وعلى اساس انى بعرف وكدة ههههههه
قعد يسالنى انتى بتعرفى تسوقى وانا اقولة اة طبعا امال اية وانا بقى فاكرة نفسى اول ماركب العربية هطير
هههههههههههه
ركبت العريبة وسوقت وقمت لابسة فى صندوق زبالة ههههههه واتفرجوا بقى على التريقة اللى اختها من ابن خالى
ومن ساعتها كل مايشوفنى يفكرنى بالموضوع ويتريق فعلا كان موقف محرج اوى

2.. ايه اكتر موقف محرج حصلك فى المنتدى هنا ؟؟؟؟؟؟؟؟

لما دكتور مصطفى قال علية ان انا فضيحة دى كلمة احرجتنى اوى

3.. مين صاحبتك الانتيم فى حياتك ؟؟؟؟؟

حاليا

بنوتة اسمها منى كانت زملتى فى الشغل وتحسى انها توأمى بس تخيلى سافرت ومش هتيجى غير كل فين وفين حظ

4.. مين اكتر واحد قريب ليكى فى المنتدى هنا واحد فقط ؟؟؟؟؟؟؟

محمد كمال احمد

5.. كام مرة الصداقة اتحولت معاكى لحب ؟؟؟؟؟؟؟

بالنسبالى ولا مرة

6.. ندمتى كام مرة فى حياتك ؟ وايه هى المواقف احكيها بالتفصيل ؟؟؟

مرتين لما وثقت فى صحبة عمرى وبندم انى حبيت واحد مافكرش غير فى نفسة سورى يانونا مش هقدر احكى بالتفصيل

7.. ايه القرار اللى نفسك تاخديه وفيه حاجات بتمنعك؟ وايه الحاجة اللى بتمنعك ؟؟؟؟

انى اتجوز الانسان اللى بحبة واللى منعنى اهلى

1..ايه اكتر خبر سئ جدا سمعتيه؟؟؟

لما سمعت ان جدوا مات الله يرحمة

2..لو معاكى استيكة تتمنى انك تمسحى ايه من تاريخ حياتك؟؟؟

كل حياتى

3..لو رسالة جاتلك على موبايلك دلوقتى تتمنى تكون من مين ويكون مكتوب فيها ايه؟؟؟

من شركة فودافون الرسالة تكون مكتوب فيها مبروك فوزت معانا بسيارة كذا ههههههههه تفكير مجنون مش كدة

4..لو معاكى وردة حمراءهتهديها لمين؟؟؟

لحبيبى

5..ايه اكتر 3 حاجات بتخوفك ؟؟؟

الظلم الفراق الظلمة

6..مين الانسان اللى فى حياتك اللى مش ممكن ترفضيلوه اى طلب؟؟؟

مش عارفة
هو فى ناس كتير الصراحة مابقدرش اقولها لا على اى حاجة يطلبوها حتى ولو دة هيسببلى مشاكل

7..لو عايزة تقولى كلمة لحد دلوقتى بيسمعك؟ مين هو الشخص ده؟ وهتقوليلوه ايه ؟؟؟

كويس ان عمر مسئلش
ههههههههههههههههههههه

ايه ياعمر الاسئله دي كلها
هتجوبهم امتا دول

اولا اسفة على التاخير فى وصلى للموضوع بجد موضوع جامد جداااا
كان نفسى اسئل كوكى كتيررر
موندا اجوبتك جميل جداااا

1-ايه موقفك إذا إنصدمتى من أعز الناس ليكى؟؟

مش بتكلم وبفضل متنحة لمدة كام يوم كدة ومش بعاتب حد وفى نفس الوقت مش بسمع لاى حد

2-هل فعلت شي في ماضيك وندمان عليه ؟؟ ؟؟

اة حبيت وندمانة انى حبيت الشخص دة

3-هل مررتى بموقف استطعتى فيه ان تحبسى دموعك رغم انها كانت ستتسايل؟؟

كتيييييييييييييييييييييييييير

هل تقتنعى دائما بأحلامك؟

اها

انتي خوافه؟

اة سعات بخاف

كم صديق عندك؟

عندى كتير بس لية انتيمة واحدة وصاحبتى اوى ولغاية دلوقتى مع بعض وتقدر تقول بعتبرها توأم روحى

هل تحبين السفر والترحال؟

جدا

تسهري ولا لا؟

اكيد

تحبي تلعبي مع الاطفال؟

اة بموت فى حاجة اسمها اطفال ومش بزهق منهم

كم عدد الفقرات العنقيه والفقرات الصدريه ؟

الفقرات العنقية 7 والفقرات الصدرية 12

ما الصفه الي تطلق عليكـ غالبا؟

من غير غرور بيقولوا ان انا رقيقة وباردة وطيبة

هل انتى مغروره وشايفه نفسكـ؟

لا خالص مابحبش الغرور

انتى حنونه؟

الحمد لله

هل يستحق ان يموت الرجل من اجل كلمه قالها.....او وعد اطلقه......لصديق....؟

مش عارفة

وماذا يعني لك الاعتذار او الأسف......؟

مجرد كلمة مالهاش معنى وهيبقى ليها معنى لو اتنفزت بالفعل

ومن انت في نفسك .......وما نفسك عندك...؟

انا هو الشخصية اللى بتتعامل معاها لانى مش بتغير فى اسلوبى ونفسى عندى غالية اوى

وماذا يكون ردك لانسان اهانك....اذا انت اخطأة في حقه

مش فاهمة سؤالك اوى بس هرد على اللى فهمتة هو مش هيبقى فى رد لان مش هدى فرصة لحد انة يهنى واذا هانى فانا هردلة اكيد الاهانة دى بس بطريقة غير مباشر وكمان ماكنش انا غلطت فى حقة
من هو الضعيف عندك ....ومن هو القوي في نظرك....؟

ومامعنى ان تقول مالا تفعل...؟

مش فاهمة

ومامعنى ان تكون نكره وليس لك احد......؟

ممكن تكون حاجتين ياما وحدانى يأما بلا شخصية

لماذا خُلقت المرأة بكل هذا الجمال؟

عشان تشكر ربنا على اللى ادهولها وعشان ربنا يختبرها اذا كانت هتحافظ على الجمال دة ولا لا

ولماذا خُلقت بكل هذا الغباء؟

هو فى بنات وسيدات كتير اغبية بس مش كلة كدة

ما هي الحالة الوحيدة التي يطلب الرجل فيها من زوجته تناول العشاء في ضوء الشموع؟

اذا كان فى حالة رومانسية ومرتاح نفسيا ويريد من زوجتة ان تشاركة فرحتة

هل يجب علينا التفأول دائما حتى ولو فى كل مرة لا يحدث الذى نريدة؟

اها وبلاش نستسلم ونيأس لان مش هنستفاد حاجة ماهو اللى مكتوبلك هيكونلك واللى مش هيبقى ليك فى دنيتك هيبقى ليك فى اخرتك

واسئله عن الاعضاء اخيرا

1العضو اللي تتمنى تشوف شكله هو .....

كوكى

2 العضو اللي نفسك تديله قلم

يوسف

3عضو ارتحت له من اول ماشفت اسمه بالمنتدى .....

همسات

4 عضو طيب على نياته .....

لا دى ماعرفهاش

5عضو تحسه برييء براءه اطفال.....

بردة مش عارفة

6 الثقل والركاده والرزانه والهدوء والوناسه تجتمع في العضو .....

وانا اش عرفنى انا

7 عضو مثقف .....

محمد عبد الباسط

8 عضو بتحب تكون انت بداله .....

كلكم ههههههههه وابقى فى المنتدى لوحدى

9 عضو نشيط جدا بالنسبة لك .....

نعمة قدرى

س1/ ماهو شعورك وانتي في المحكمة ؟

حاسة انى بمتحن وبعرف نفسى من جديد

س2/ رسائل سريعه الى الاخوه في فلسطين الاخوه في العراق

هى رسالة واحدة بقولهم فيها ربنا يكون فى عونكم واصبروا اكيد الحق هيرجعلكم وربنا عمرة ماظلم حد والظالم اكيد هيتحاسب

س3/ حكمتك المفضله ؟ ووشاعرك المفضل ؟ فنانك المفضل ؟

لا تفكر في المفقود حتى لا تفقد الموجود

س4/ لمن تعطي هذه المسميات :-
القلم الذهبي - مكنسه - شهاده تقدير - ورده حمراء - ورده بيضاء - ورقه بيضاء -مع ذكر الاسباب؟

القلم الذهبى

كل اللى علمونى ازاى اكتب واقرأ

مكنسة

هديها لبيتنا عشان اللى عندنا باظظت ههههههههههه

شهادة تقدير

لكل شخص ناجح

وردة حمراء

لحبيبى لانى بحب اللون الاحمر اوى واللون الاحمر بيدل على الحب دة من رأى

وردة بيضاء

لآنتمتى صاحبتى لانها عمرت ماكدبت علية وعالطول قلبها ابيض من ناحيتى ومش بتخبى عنى حاجة

س5/ من العضو اللي فراقه صعب؟

اية السؤال الصعب دة هو انا لسة ماعرفكمش كلكم بس لو عرفتكم اكيد هيبقى صعب بالنسبالى فراقكم

س6/ من العضو اللي فراقه عيد؟

لا مافيش ههههههههه

س7/ كل انسان وله أمنيات وأمال يا ريت تقولى لنا عن الحلم اللي يراودك أو بالأحرى
الأمنية اللي تتمناها ... ؟

نفسى اسافر بعيد واعرف ناس جديدة وانسى حياتى القديمة وابتدى حياة جديدة مافيهاش مشاكل

س8/ ما هى مفاجأت المحكمة بالنسبة لكى؟

الاسئلة الصعبة دى انتوا متهيألى مش هتسبونى الا لما تعرفوا عنى كل حاجة

س9/ أي قرار تتخذه هل تحكم عقلك أم قلبك فيه ؟؟ ومن الأسبق فالتحكيم؟

الاتنين بس فى اوقات بستعمل عقلى بس

س10/ من مثلك الأعلى؟

مافيش

س11/ ما اعظم جرح دفنتيه؟

لسة مافيش جرح دفنتة ادعيلى ادفنة بقى هههههههه

س12/ دعوه صادقه من اعماق قلبك لمن تهديها ؟

لكل الناس اللى بيحبونى

س13/ ما هو اكتر شى يخوفك ؟

الموت

س14/ من هو اعز شخص عندك ؟

صاحبتى منى

س15/ باقة ورد لمن تهديها ؟ باقة شوك لمن تهديها؟

باقة ورد لكل اتنين لسة متجوزين هههههه
وباقة شوق لكل واحدة وواحد بحبهم

س16/ ماذا تعني لك :
دمعه الطفل : براءة
دمعه المرأة : ضعف
دمعه الرجل : جرح

س17/ عملا في ذهنك منذ زمن تتمنى ان تقوم به ماهو ؟

افتح معرض او بوتيك

س18/ دمعة سقطت من عينونك ؟؟ من كان سببها؟؟

اهلى وحبيبى السابق

س19/ نقظة ضعفك؟

مقدرش اعيش من غير حب
س20/ انسانه تاتمنيها على اسرارك ؟

مافيش لسة

س21/ امنياتك للمستقبل (خاصة وعامة)؟

اتجوز اللى بحبة واجيب بنوتة اسمها ريتاج

س22/ موقف اثر فيكى واخر اسعدك ؟

سورى بلاش اجاوب على السؤال دة

س23/ اسم الشخص اللى بتحبيه؟

لا بردة بلاش اجاوب على السؤال دة

س24/ - البعد أيخفف المشاعر أم يلهب الأشواق؟

يلهب الاشواق