محكمه طيبه

كل دى اسئلة ربنا يسطر على اللى جاى


1- مارأيك بالغيره ؟

هى الغيرة انواع انتى قصدك على انى غيرة فيهم

بصى انا عمتا بغير جدا بس مش شخص من حاجة تانية هههههههههههههههه

اما بقى اذا كانت غيرة من شخص عمرى ماغيرت من حد احسن منى بالعكس دة انا بحاول اتعلم منة

واكيد لو بحب هغير على حبيبى بس مش الغيرة اللى هى تخنأة منى

2- ماذا تقول لمن ظلمك ؟؟

بالسؤال دة فكرتينى بحاجة ماكنتش عايزة افتكرها

المهم انا احب اقول لكل اللى ظلمنى ان اكيد هيجى يوم ويحسوا بظلمهم دة وهتترد فيهم زى ماعملوا فية هيتعمل فيهم وربنا هيعوضنى بغيرهم

3- سر لاول مره تقوليه لنا؟؟

سؤال جميل وبجد لاول مرة اجاوب على سؤال زى دة لاى حد

انا بحس باللى هيحصلى او هيحصل لاى شخص عزيز علية سواء كانت مصيبة او حاجة حلوة هتحصل بحس بيها قبل ماتحصل وغالبا بتجيلى فى المنام وبالتفصيل هو مش سر بس دى حاجة انتو ماتعرفوهاش عنى

4- قرار اتخذتيه وتسرعت به ومن ثم ندمت عليه؟؟

لما كنت فى الثانوية العامة كنت علمى رياضة وفى نص السنة كدة لقيت اصحابى كلهم حولوا ادبى وطبعا كنت قاعدة لوحدى زهقانة ماليش اصحاب ولا حد بيشاركنى فى الدراسة قمت حولت انا كمان ادبى ويارتنى ماحولت كان زمانى فى فنون جميلة بس فوجئت بالتاريخ اللى فى ادبى وطبعا انا مابحبوش وبالتالى ماكنتش عارفة اذاكرة فجبت مجموع قليل ومادخلنيش كلية فنون جميلة فندمت بعد كدة انى حولت ادبى

5- قم بتوجيه نصائح الى خمس اعضاء قم باختيارهم انت ؟؟

هههههههههههههههههههههههههههه
انتى بتمسكينى من ايدى اللى بتوجعنى
هو الصراحة مافيش حاجة انصح بيها لان اكيد مش عارفاهم اوى

بس هختار وامر لله

تركى
ياريت تبدأ فى المسابقة بتاعتك الجديدة عشان بجد عجبانى اوى

عمرو
حاول تركز اوى فى الموسيقى وماتبطلهاش عشان دى حاجة جميلة

جنات
ماتغبيش عن المنتدى كتير وبما انك عضوة فى المنتدى ياريت تشاركى معانا بمواضيع تفيدنا مش مجرد رد على مواضيع الاعضاء وخلاص
لان انا كمان ملاحظة انك بتردى على مواضيعى انا اكتر من اى حد تانى والله لو عرفتى الناس اللى فى المنتدى هتحبيهم
ومواضيعهم بتبقى مفيدة جدا واحلى منى

دكتور مصطفى فرحات
انا شايفاك كويس فى البرمجة جدا حاول تركز فيها اكتر وتسافر برة لان بجد شغلها كتير جدا برة

كوكى
بلاش الاسئلة الصعبة دى هههههههههههه

6- ماهو اكثر شي يحرجك ؟؟

ان حد يخدعنى وكمان الوداع

7- ملحوظه لاحظتها على عضو من الاعضاء ماهي ؟؟ ومن هو العضو ؟؟

كوكى انا صحيح ماشوفتكيش لكن حبيتك بجد مش عارفة لية حساكى كدة ترفيهية بتحبى الضحك رومانسية وبتحبى الحب
وشخصية بسيطة مش مغرورة بس كدة كفاية ههههههههههههه

8-كلمة تتمنى سماعها كل يوم ؟؟
يامونى بحب اوى اسمع الكلمة دى

اية يانعمة الاسئلة دى بجد صعبة اوى
ههههههههههههههههههههههههههههههه

1.. مرتبطة؟ ولو مرتبطة بتحبيه ولا لا؟ولو اه يبقى اه ليه ولو لاء يبقى لاء ليه؟؟؟

ممكن ماجوبش على السؤال دة سورى

2..ايه الامنية اللى بتتمنيها فى حياتك دلوقتى؟؟؟

انى اسافر بعيد ومحدش يعرف عنى حاجة وابتدى حياة تانية غير اللى كنت عايشاها

3..مين اكتر شخص قريب ليكى فى المنتدى؟؟؟

محمد كمال احمد ودكتور مصطفى فرحات وعمرو ومحمد عبد الباسط



4..مين اكتر واحدة قريبة ليكى فى المنتدى؟؟؟

متهيألى كل البنات هو انا معرفهومش اوى بس بعتربهم اخواتى وقريبين منى اوى

5..هل بتميلى لحد او بتحبى او معجبة بحد فى المنتدى هنا؟؟بس ماتقوليش مين لو فيه حد ؟؟؟

اها بحبكم كلكم هههههههههههه

6..لو حبيتى واحد ممكن تروحى تقوليلوه او الخطوة الاولى تبدأ من عندك انتى ؟؟؟

لا صعب انى اروح اقول لحد بحبة انى بحبك بس ممكن اقولها لو هو اللى قالهالى الاول

7..ممكن ترتبطى بانسان لمجرد انه بيحبك يعنى حب من طرف واحد ؟؟؟اه ليه ولاء ليه؟؟؟

لآ ماينفعش ارتبط بأنسان انا مابحبوش ولمجرد ان هو بيحبنى لان اكيد هيبقى عقلى وقلبى رافضينة وبالتالى هتحصل مشاكل مابينا ومش هتستمر حكاينتا للاخر الا لو ارتباطى لية كان غصب عنى بسبب اهلى فدة هيبقى حاجة تانية انى لازم احاول احبة ولو ماقدرتش يبقى بردة علاقتنا هتنهى فى الاخر ومش هتستمر

مرسى ليكى يانونا على الاسئلة الجامدة دى هههههههههههههههههههههه

1-اسوأ خبر سمعته...؟؟
وفاة جدو لانى كنت بحبة اوى ربنا يرحمة

2-مــــن انـــــــت ...؟؟ وبلاش ذكاء وتقوليلى موندا؟
انا موندا هههههههههه
بص انا انسانة بسيطة جدا وحياتى صعبة جدا بس بتعدى صبورة جدا
اكتر حاجة بكرها ان حد يغصب علية اعمل حاجة غصب عنى ودة فعلا بيحصلى ومابقدرش اعمل حاجة
طيبة جدا زيادة عن اللزوم وطبتى دى بتسببلى مشاكل كتير
رومانسية بحب الهدوء ومابحبش العصبية ببقى متفألة بس سعات بيبقى ماعنديش امل فى ان الحاجة اللى عايزاها تحصل
باردة بس مش البرود اللى هو يخلى الواحد بتخنق منى ممكن تقول البرود اللى هو بيريح الاعصاب
وببقى بردة جدا مع اللى بيحاول بستفزنى او حتى يفكر بخنوئنى
بزعل بسرعة بس فى ساعتها وبعد كدة اكن مافيش اى حاجة حصلت
كتومة مابعرفش اقول اللى جوايا الا لما حد يسألنى
بعرف احل مشاكل الناس او اى حد قريب منى لكن مش بقدر على مشاكلى
طريقتى بقى فى الاسلوب او فى المعاملة مع اللى قدامى انى لازم اعرف هو بيفكر ازى عشان اقدر افهمة وبحاول اتعامل معاة بتفكيرة عشان هو كمان يقدر يفهمنى
هو فى تانى بس كفاية كدة يارب تكون اجابتى على السؤال هو دة اللى قصدك علية


3-الكهربا لما بتقطع بتروح فين؟ودة بالذات لازم تجاوبيه..والله ليه اجابه بس فكرى ؟
بعد مكانى وببقى خايفة واعد افكر بقى اذا كان فى عفريت ولا لأ وكمان بفضل ساكتة لاحد من العفاريت يسمعنى
هههههههههههههههه والله ببقى خايفة اوى وافضل مستنية لغاية لما النور يجى

4-لو فيه شجرة وقعت على الارض فى الغابه، هل بقية الشجر هيضحكوا عليها؟
اية الرخامة دى طبعا هيضحكوا عليها اذا كانو بيضحكوا اصلا هههههههههههههه


5-لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟
لا انا اسمى موندا ياخويا ههههههههههه

6-ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟

عشان يوفرو من دة لدة ههههههههههههههههههههه
هو كلة نصب فى نصب بس هو كان دماغك فيها اية لما كتبت الاسئلة دى هههههههههههههه

شكرا ليك ياعمرو

كام مرة فى الشهر دة دخلتى اوف لاين ع الميل؟

ولا مرة وكمان اصلا بقالى شهرين مش بدخل الميل كتير


كام مرة فى حياتك ما فكرتيش تواجهى نفسك اوتواجهى الحاجه اللى بتضايق؟

لا انا ديما بواجهة نفسى اما حكاية انى اوجة الحاجة اللى بضيقنى فدة بيحصل فعلا بس سعات مابقدرش عشان عارفة ان مافيش حل غير انى اسكت


الهبله شيرين قالت (فى بعادك حاجه نقصانى) انتى بقا فى بعاد حبيبك فى حاجه ناقصاكى ولا 100 حاجه ناقصاكى؟
اكيد لو بحب حد وبعيد عنى هيبقى فى ميت حاجة نقصانى


ضحكتك فلصو ولادهب؟
لا دة ولا دة
ومن غير غرور انا ضحكتى بريئة وديما لما بضحك بضحك من قلبى
والكلام دة مش كلامى بس دة كلام الناس اللى بيشوفونى هما اللى بيقولولى كدة



كذبتى كام مرة فى اخر شهر دة اللى هوة 7؟
ماكدبتش لان ماكنش فى حاجة اكدب عليها

الاسف..كلمه تكفيكى للتسامح؟
لا الفعل هو اللى يكفينى للتسامح
اما الاسف دى كلمة ممكن تتقال فى لحظة وبعد كدة ولا اكنها اتقالت


ايه هوة مفهوم الحريه بوجهه نظرك؟
الحرية هى ان الناس ماتتحكمش فى تصرفاتك وافعالك حتى ولو كانو اقرب الناس ليك ديما يبقى ليك رأيك
عارف الدنيا فيها اية بتعرف تتعامل معاها بأسلوبك محدش يقولك ماتعملش كذا وكذا اللى نفسك فية بتعملة ولو كان صعب عليك بتتحدى كل حاجة عشان تقدر توصل للى انت عايزة من غير ماحد يقف فى طريقك
ماحدش يأمرك ويوقلك اعمل دة وماتعملش دة الحرية هى انك تقول كلمة الحق بالسانك من غير ماحد يمنعك وانك تعمل اللى انت عايزة فى اى وقت وفى اى مكان
كفاية كدة

قولتى بحبك..وندمتى؟

اة لاول حب فى حياتى


كام مرة قابلتى النجاح الفاشل؟زى مثلا لو كسبتىجايزة فى التمثيل بسكان كل الممثلين حوالينك معاقين؟

ههههههه مش فاهمة السؤال الصراحة

تفتكرى هتموتى ازاى؟

الله واعلم بس نفسى اموت وانا نايمة


ايه اصعب كلمه بخرج من قلبك؟

لما اقول لحد بكرهك

ليه الانسان مصر على الجواز رغم انه عارفغ انه مش سعادةدايمه؟

مش كل الناس ومين قال ان الجواز مش سعادة دايمة فى ناس بتبقى بتحب بعض اوى وبيتجوزا وبيعيشوا حياتهم زى ماهما عايزين وبيبقوا مبسوطين لكن الناس اللى بتفكر ان الجواز مش سعادة ديمة يبقى هما مش بيحبوا بعض اصلا

فى نظرك الرجل الخجول مهذب ام مريض؟
اولا مافيش رجل خجول دلوقتى ولو كان فية رجل خجول اكيد الناس هتقول علية مريض
لكن انا رأى انة مهذب لانة بيحترم نفسة وبيحترم اللى حوالية بس دة قليل اوى

هتعملى ايه لو سمعتى كلمه بحبك 20 مرة فى نفس اليوم؟
هطير من الفرحة وهفضل مبسوطة طول اليوم مش عارفة بجد اوصفلك احساسى هيبقى اية لان دى مش كلمة سهلة تتقال


بعد ما عملتى تصميم علىالماكس لاقيتى رساله علىالميل..عفوا قد تم سرقه افكارك؟؟؟؟
ههههههههههههههههههههه
عادى ولا هعمل اى حاجة اكيد هيبقى عندى افكار احسن واعمل غيرة مش مستهلة انى اتعصب واتنرفز ماخلاص اتسرق
ههههههههههههههههههههههههه


بتفسرى بايه العطاء لمن لا يستحق العطاء؟
الصراحة بينزل من نظرى لان انت لما بتدى حد كتير وهو مش مقدر كدة يبقى انسان بجد ماعندوش قلب مابيحسش
لما انت تتنازل عن حاجات كتير اوى عشانة وتدية اجمل ماعندك وتضحى عشانة كتير وهو مش مقدر يبقى انسان ماعندوش قلب ومابيحسش عشان كدة بينزل من نظرى وغاليا بكرة
هتخلينى اعمل موضوع عن السؤال دة


بتجيدى فن التطنيش؟

سعات


ايه اللى بتمنى تشيليهمن حياتك؟

اصحابى من ايام ثانوى معظم قرايبى بتمنى انهم يبعدوا عنى واشيلهم من حياتى

1-انتى لية لغاية دلوقتى شايلة منى ومش عايزانى ابقى صاحبتك انتى لسة زعلانة منى ؟

لا ياتوتا انا مش شايلة منك ولاحاجة بس حكاية انى اتعلمت منك انى ماحكلكيش على حاجة لان بتسببيلى مشاكل من غير ماتقصدى ومش زعلانة منك ولا حاجة بس هو مجرد احتيطات اما بالنسبة انك تبقى صاحبتى فكفاية انك بنت خالتى بس الحاجة اللى بتخصنى ماينفعش احكيهالك وانتى اللى عملتى كدة مش انا

2-لية انتى عالطول لوحدك كدة ومش بتحبى تتكلمى مع حد ؟

عشان ديما بيبقى الناس اللى حوالية ماينفعش احكيلهم على اى حاجة حتى ولو كانت تافهة بس فى ناس بحكيلهم وبعد معاهم وبشكلهم وانتى مابتشوفيش دة وكل دة ياتوتا عشان انتى بردة ماتعرفيش عنى كل حاجة

3-لية ديما بتحسسينى انك احسن منى وان مافيش حد يقدر يوصلك ؟

لا الحكاية مش كدة اكيد فى ناس احسن منى بكتير واكيد انتى نفسك فيكى حاجة احسن منى ماكل واحد لية عيوب ومميزات
والمفروض ياتوتا لو انتى شايفانى كدة تفرحى مش تزعلى لان سؤالك بيبين ان انتى غيرانة منى مع انى شايفة ان اللى بعملة معاكى عادى وتصرفاتى مش اوفر معاكى بالنسبة بقى ان مافيش حد يقدر يوصلى دى مش صحيحة
بالعكس انا بحب اتعرف على ناس كتير وبحب اتكلم معاهم واعرف هما مين واللى عايز يوصلى بيوصلى بس فى الحدود
اما انتى مش عارفة توصلى للى انتى عايزاة منى عارفة لية عشان انا بعملك بتفكيرك مش بتفكيرى وعارفة انتى عايزة اية فمن الطبيعى انك ماتقدريش توصلى للى انتى عاوزاة


سورى على ردى عليكى بس بما انك سألتى اسئلة زى دى فى المنتدى وقدام الناس انا كمان برد عليكى وقدام الناس وفى منتهى الصراحة ودى مافيهاش زعل
مرسى ياجنات

1- بتحب تدارى شعورك عن الأخرين ولا انتى من النوع اللى فى قلبه على لسانه ؟

سعات وسعات يعنى لما ببقى مضيقة او زعلانة من حد بدارى لغاية مانسى وبعد كدة بتكلم وبردة لما احب حد اوى بدارى
ومش بقول بس بيبان علية لكن لما مايكنش فى حاجة من دول ببقى عادى وبتكلم بصراحة يعنى اللى فى قلبى على لسانى

2- عندك كام واحد من المنتدى على الاميل؟

خمسة

3- اخر مره بكيتى فيها امتى؟

من حوالى اسبوعين

4- ايه الصفات اللى واخداها من باباكى ومامتك ؟

الصراحة ماما مالحقتش اعرف صفاتها
وبابا بردة ماعرفش انا اخدة منة اية لانة عالطول مسافر يعنى ماعشتش معاة

5- البحر ايه بالنسبه ليك؟

حاجة غامضة مالهاش نهاية بس بحب البحر اوى عشان حاجتين

6- ياترى تعاملك مع الناس فى الحياه زى تعاملك معاهم على النت؟

اة عادى مافيش فرق لان هما هما الناس اللى بتعامل معاهم برة النت

7- اكتر مكان بتحبى تروحيه ؟ واكتر واحد بتحبى تروحيله وانتى حزينه ؟

بحب اروح اسكندرية اوى واكتر واحد بحب اروحلة وانا حزينة الصراحة مافيش بس ممكن اعد مع نفسى لفترة كبيرة

8- ايه اكتر حاجه شاغله تفكيريك اليومين دول؟

الشغل عايزة ارجع شغلى تانى

9- مين من الاعضاء طلب منك ايميلك وانتى وافق بصراحه ؟

دكتور مصطفى عبد الغنى

10- مين من البنات اللى فى المنتدى نفسك تاخدى ميلها بصراحه برده ؟

انتى

مرسى ليكى ياكوكى