الكشرى المصرى....

الكشري المصري
...........................
المقادير:
1كوب عدس اسمر/ 1كوب أرز مصرى/ 4بصلات مقطعة حلقات/ 3حبات طماطم
ملعقة صلصة/ معكرونة مسلوقة/ ثوم مفروم/ ثلث فنجان خل أبيض-فلفل حار أو رومى/ حمص مسلوق


الطريقة:
طريقة الكشرى :
يسلق العدس نصف سليق
نحمرالبصل فى الزيت حتى يصبح لونه بنيا ثم ينشل من الزيت ثم
يوضع الارز المغسول على الزيت و معه العدس و يقلبان ويوضع عليهم الملح و يغطى بالماء و يترك لينضج
تشوح المعكرونة المسلوقه فى قليل من الزيت مع الملح و الفلفل الاسود و ذلك قبل التقديم مباشرة
طريقة الصلصة:
1-يدق 4 فصوص من الثوم مع الفلفل و يحمر فى قليل من الزيت
2-تبشر الطماطم بمبشرة البصل و توضع على الثوم مع ملعقة الصلصة
3-يوضع عليهم الخل و الملح و الفلفل و يترك على نار هادئة لحد ما تتسبك

طريقة الدقة:
1-يدق حوالى 4فصوص من الثوم
2-عصير ليمونتين
3-خل - ملح - كمون - فلفل أسود
4-توضع جميع المقادير على بعضها و تخلط جيدا
عند الغرف نضع اولا الارز و العدس ثم يوضع عليه المعكرونة ثم الحمص ثم الصلصة ثم البصل على الوجه و الدقة حسب الطلب


..




..


..



..


..





نعمة قدرى

حلو قوى يا نعمه
انتى جوعتينى بس انا هبقا اجربه واقولك عملت ايه

بس مشكلتى ان انا مش عندى صبر انى اقف فى المطبخ

بس هحاول وابقا اقولك

وميرسى ليكى

انا بردة بحب الكشرى بس الكشرى بتاع البيت
لكن الكشرى بتاع برة انا حرمت اكلة
لان كل اما اكلة بطنى توجعنى وبيبقى يوم زفت

دعاء حسن كتب:حلو قوى يا نعمه
انتى جوعتينى بس انا هبقا اجربه واقولك عملت ايه

بس مشكلتى ان انا مش عندى صبر انى اقف فى المطبخ

بس هحاول وابقا اقولك

وميرسى ليكى

اهم حاجة المطبخ يادعاء انك تتعلمى كل حاجة فيه

وبعدين المشكلة مش فى انك تعملى اكل ولا لا

المشكلة انك تحطى اللمسات النهائية للاكلة بتاعتك علشان تبين جمال الاكلة اللى انتى عملاها

لانى انا عن نفسى لو منظر الاكل ماعجبنيش استحالة اكله ولا حتى ادوقه

حاولى تدخلى المطبخ وتبوظى مرة والمرة التانية هتطلع معاكى حلوة



نعمة قدرى

الله شكل الاكل يجوع بس انا مليش فى المطبخ بس لم يكون ليه مزاج مقوليكيش بس قين وفين بس على فكره انا بحب اكل كشرى بره البيت مع ان ماما بجد بتعمله جميل جدا بس بره شطة شطة ودقه شكرا ليكى يا نعمهعلى الاكل البسيطة الحلوه دى