الرئيسية
المشهد الاول:
بيت متواضع بسيط بتاع الناس اللى على قد حالهم دول..زى بيتنا يعنى
يدخل الاب العجوز ويفتح حجرة اولاده ويجد ابنه محسن بيلعب بلاى استيشن يقول لابنه:
محسن يابنى لازم تذاكر عشان تدخل كليه الشرطه وترحمنى من الخدمه فى قصر الامير علاء بقى
محسن:ياعم حاضر ..خلاص دخلنا فى ضربات الجزاء اهو..وهخلص وعدى خمس سنيين اللقطه الجايه وادخل الشرطه على طول ما تقلقش.
يابا قبل ما تطلع قولى اخلى مين يلعب ضربه الجزاء اللى جايه؟
يرد الوالد العجوز بضعف وحسرة وباللغه بتاعت حسين رياض .بلاش ابو تريكه يابنى عشان مصاب ..وماتنساش معادك مع الاميرة انجى فى ساقيه الصاوى نصير شمه هناك النهارده
__________________________
المشهد الثانى
جنيينه واسعه جميله معفنه ..الاميرة انجى واقفه مستنيه محسن وىبسه بنطلون الشارل استون وجزمه علاء الدين ومعلقه فيها المصباح السحرى كمان وبتلف سيجارة بانجو ..يجى محسن
انت فين يابنى مش رنيت عليك كام مرة؟مش معادنا فى الجنيينه هنا يا ابنى؟؟ انت ناسى ان انت هتنضرب بالرصاص فى ايدك النهارده من اخويا الامير علاء وانت بتسلمنى البانجو انت مهيس ولا ايه؟
اسف يا حبيبتى نسيت! دا انا رحت لك هناك عند مكنه الرى بتاعه الصاوى ومالكتقيش ..المهم هو فين علاء؟ مش هيضربنى بالرصاص ولا ايه ما البنجو فى ايدى اهو !!انا واد ابويا انى هبقى ظابط فى السريع كده.
يخرج الامير علاء وهو يضربه بالرصاص ويصرخ :انا هعرفك يا سافل ازاى تسمح لنفسك وانت ابن الجناينى وتجيب لاختى بنت الامير بانجو مغشوش يا حقير
يستغرب محسن ويقول؟ هو انا منزلتش دم ليه ؟
ويرد عليه علاء :ده رصاص مطاطى من بتاع كفايه يا غبى
يلف محسن حول نفسه ويقول طيب انا عايز امسح ايدى هاتى منديل يا انجى
ترد انجى اسفه يا محسن خلصت المناديل فى الميك اب امسح فى كمك بقا !!
__________________________
المشهد الثالث
حجرة عسكريه ومحسن بقى ظابط عالسريع زى ما وعد ابوة
محسن قاعد مع صاحبه الظابط زميله بيتفرج على فيديوهات التعذيب ومحسن قاعد بيشرب نسكافيه من غير سكر عشان حسابه تقل عالكانتيين
يصرخ صاحبه فجاة :ده حرام حرام حراااااااااااااام اللى بيحصل ده بيعذبوا الناس ليه ليه ليييييييييييييييه ؟لييييييييييييييييييييييييييييييييه.
فضل يصرخ .محسن زهق قام قاله انت بتصرخ ليه كفايه كفايه كفااااااااااااااااااايه
صاحبه بصله باستغراب وقاله كفايه! يبقى انت معانا ..انت من الاحرار يا محسن!!
______________________________
المشهد الرابع
الاب العجوز راح لابو الاميرة انجى يطلبها منه
ابو انجى يصرخ:انت بتخرف بيتقول ايه يا جناينى جواز ايه عايز ابنك يتجوز بنت الكلب بنتى؟انت اتجننت؟
يا افندينا لو الجواز مش نافع خلاص يضربوا ورقتين عرفى عالسريع وريح دماغك وادخل كمل جيم البلياردو اللى ما بيخلصش ده!!
يرجع الاب وهو اتخرس من الرفض وهو لسه داخل من الباب تقوم المظاهرة بتاعت كفايه يقف فى البلكونه مع اولاده اللى المفروض انهم من الاحرار ومع ذلك واقفين فى البلكونه!!!!
المظاهرة تشتد والامن مطوق المكان
فجاءة يبداء الاب فى الكلام
اب ...ابــ ........ ابعدوا بالمظاهرة عن هنا يا ولاد الكلب البيت هيتهد علينا
يصرخ محسن وينده لامه من جوة
امى ابويا نطق الحقى
الام قاعده قدام وصله الدش بتتفرج على المصارعه وحلقه بين ترابل اتش وكين
حاضر حاضر هيه الدنيا طارت وهو لحق يتخرص عشان ينطق
ينتقل المشهد فجاءة ومحسن فى قصر الامير علاء وبياخد الاميرة انجى ومستخبى من الامير علاء عشان هيضربه بالرصاص بس الامير علاء ما طلعش
محسن بيبصى فى ساعته
هو علاء مش هينجز ولا ايه كل مرة يتاخر عن ضرب الرصاص كده
انجى ترد عليه فى حب:
ما تخافض يا حبيبى
انا لفيتله سجارتين بانجو يتلهى فيهم
النهايه
