اذكر احلى مميزات فيك

بصو بقى انا حبيت ان كل واحد شايف فى نفسه مميزات يقولها

عشان نعرف بعض اكتر

انا عارفة ان فى شخصيات جميله معانا

عشان كدة عاوزين نعرفها من خلال مميزاتكم

ياريت تشاركو وتقولولنا على مميزاتكم ياريت لا يقل عن ميزتين

بس تقدرو تقولو كل مميزاتكم لو تحبو

اظن ان كل انسان فيه اكتر من ميزة

لان اكيد ربنا زى مااعطى كل انسان عيب اكيد عطاه قدامه ميزة

انا فتحت الموضوع دة عشان كل واحد ميبصش لنفسه من خلال عيوبه بس

ولو مفكرتوش قبل كدة فى مميزاتكم فكرو دلوقتى هاتلاقو مميزات كتير انا واثقه من كدة

لما تشوفو مميزاتكم هاتحبو شخصيتكم ولازم كل واحد يحب شخصيته بمميزاتها وعيوبها

هابدأ أنا عشان تتشجعو للموضوع انا شايفه انى احلى ميزة فيا ((طاعتى للوالدين))

تانى ميزة ((انى بحب كل الناس))وبتمنى يحبونى زى مانا بحبهم

ثالث ميزة ((انى كتومه للسر جدااااااااا)) ومحدش يعرف يطلع السر منى لو عمل ايه

الحمد لله

رابع ميزة((انى بقدر اقف مع اصدقائى وقت الشدة)) وبحاول احلهم اى مشكله تقابلهم

يلا كفايه كدة اسيبكم بقى تقلولى انتم على مميزاتكم

اتمنى محدش يقرأ وخلاص لازم تقولو عشان تعرفو نفسكم وتعرفونا عليها

بصى انا دخلت الموضوع وما عرفتش ارد


بس هارد اهوة

1- بحب الوحده جدا يعنى بنام الصبح واصحى باليل لواحدى.








2-قراراتى مليانه مجازفااااااااااااااااااات كتيرة



مش عارف تانى

ليه ياعمرو معرفتش ترد انا واثقة انك او دورت جوة نفسك هاتلاقى مميزات كتيرة انت مش شايفها

شوفت بقى ان فى ناس مش بتدور على مميزاتها؟

وبتكون ناس جميلة وانت تحسها بس هوة ميعرفهاش

دور تانى هاتلاقى والله مميزات كتيرة وبرضه ياريت تقولى عليها

شكرا لردك ياقمر

بصى يمكن خوفى من ان حد يقول عنى مغرور او حاجه اللى خلانى ما قولتش

او يمكن دة بس اللى جوايا دلوقتى

بجد موضوعك اصعب من موضوع العيوب

لا ياعمر احنا بنشوف المميزات محدش ياجماعة هايبص لحد من ناحية الغرور ابدااااااااا

اتكلم براحتك انا هاسمعك وهاسمع اى حد ياجماعة

واللى عاوز يقول مميزاته كلها مافيش اى مانع خااااااالص

وبليز من كل اللى يقرأبلاش يبص لاى حد على انه مغرور

لانى انا اللى طلبت دة لغرض التعارف على اخواتنا

مش للسخريه

يلا مشوفتش حد غير عمر يعنى

هوة الوحيد اللى فيه مميزات؟

يلا قولو براحتكم خااااااالص ياجماعة احنا كلنا اخوات