********** كنت فاكر **********

كنت فاكر يوم فراقك
انى هابكى عليك وانادى
واقول تعالى ارجع وعود
واقول كمان واحشنى موت
واتارى السنين بتفوت
بتخلى الحنين بيموت
وبعد ما كنت هاموت عليك
خلاص بعدك بئيت مبسوط
كنت فاكر يوم فرائك
ان هايزيد اشتيائك
وانى هابكى فى البعاد
واقول تعالى ارجع قوام
والف عليك كل البلاد
واصرخ واقول
كانلى حبيب سابنى وراح
سابنى يائس من الجراح
سابنى تايه فى السنين
سابنى عطشان للحنين
واتارى السنين بتمر
بتنسى العذاب والذل
وبعد ما كنت اسير هواك
خلاص بعدك بقيت انا حر
كنت فاكر يوم رحيلك
انى عمرى ما احب غيرك
وان مهما طال فراقنا
فى البعاد يزيد اشتياقنا
فى البعد هايزيد الحنين
حتى لو مرت سنين
هابقى فاكرك موش ناسيك
كل عمرى هاعيشه ليك
واتاريه كله كان كلام
ومافيش حقيقه كانت اوهام
وبعد ما كنت عاشق هواك
كرهتك ومات الغرام

جميلة يا رامى...........

حضرتك نورتنى يادكتور
شكرا لردحضرتك الجميل